«Մայրաքաղաքային» աղցանի ամենահամեղ բաղադրատոմսը, որը դուր կգա նաև բուսակերներին

Մեր սիրելի ամանորյա աղցանի այս տարբերակն ամենաառողջարարն է։ Այն չի պարունակում միս և թռչնամիս, փոխարենը՝ պարտադիր է սունկը։ Մայոնեզի փոխարեն՝ շատ համեղ և առողջ ճարպերով հարուստ արևածաղկի սոուս: Ձվի նրբությունը փոխհատուցվում է ավոկադոյի հաճելի միջուկով։ Փորձեք պատրաստել աղցանի այս տարբերակն Ամանորին:

Բաղադրիչներ

Աղցանի համար

1. Խաշած կարտոֆիլ – 2 հատ

2. Խաշած գազար – 1 հատ

3. Ավոկադո – 1 հատ

4. Կարմիր սոխ – 1/4 հատ

5. Ոլոռ – 100 գ

6. Խնձոր – 1/ հատ

7. Շամպինիոն – 5 հատ

Սոուսի համար

1. Արևածաղկի սերմեր (մաքրած) – 100 գ

2. Կիտրոն – 1/2 հատ

3. Սխտոր – 1/2 պճեղ

4. Մանանեխ – 1 թ/գ

5. Ջուր – 100-15 մլ

6. Համեմունքներ

7. Ծովի աղ

Պատրաստման եղանակը

1. Աղցանի համար բանջարեղենը կտրատել և խառնել:

2. Բլենդերով հարել սոուսի բաղադրիչները:

3. Խառնել բանջարեղենը և առողջ մայոնեզը:

4. Զարդարել կանաչեղենով և մատուցել:

Պատրաստեց Անի Գաբուզյանը