Արարատ Միրզոյանը ցավակցել է Թուրքիայի արտգործնախարարին
ՀՀ արտգործնախարար Արարատ Միրզոյանը Ստամբուլում տեղի ունեցած պայթյունից հետո գրառում է արել Twitter–ում և ցավակցություն հայտնել Թուրքիայի արտգործնախարար Մևլութ Չավուշօղլուին։
«Իմ խորին ցավակցությունն եմ հայտնում Ստամբուլում տեղի ունեցած մահաբեր պայթյունից զոհվածների ընտանիքներին և շուտափույթ ապաքինում եմ մաղթում տուժածներին»,– գրել է նա:
Հիշեցնենք, որ Ստամբուլի Իսթիքլալ զբոսաշրջային փողոցում կիրակի օրը հզոր պայթյուն էր որոտացել։
