Գեղարքունիքի մարզի բուժհաստատություններում հոկտեմբեր ամսին ծնվել է 203 երեխա
Գեղարքունիքի մարզի ծննդօգնություն իրականացնող բուժհաստատություններում 2022 թվականի հոկտեմբեր ամսին ծնվել է 203 երեխա՝ 107 տղա, 96 աղջիկ։
Ինչպես «Արմենպրես»-ին տեղեկացրին Գեղարքունիքի մարզպետարանի առողջապահության եւ սոցիալական ապահովության վարչությունից, 119 երեխա ծնվել է Մարտունու ծննդատանը, 42 երեխա՝ Գավառի, 23 երեխա՝ Սեւանի, 18 երեխա՝ Վարդենիսի բժշկական կենտրոններում, 1 երեխա՝ Ճամբարակի առողջության կենտրոնում։ Ծնվածներից 49-ը լույս աշխարհ են եկել կեսարյան հատումով։
Գեղարքունիքի մարզի ծննդօգնություն իրականացնող բուժհաստատություններում ծնված երեխաների քանակը նախորդ տարվա հոկտեմբերի համեմատ ավել է եղել 20-ով։
Խոսրով Խլղաթյան
