24-ամյա երիտասարդը համագյուղացու տնից գողություն էր արել
Հոկտեմբերի 11-ին ոստիկանության Արարատի բաժնում հաղորդում տված Վերին Դվին գյուղի բնակչուհին հայտնել էր, որ ժամը 10.00-ից 12.00-ն ընկած ժամանակահատվածում տան հետնամասի պատուհանը բացելով՝ մտել են տուն և ննջասենյակից գողացել մոտ 650 000 դրամ, ոսկյա մատանի:
Նախաձեռնվել է քրեական վարույթ:
Ոստիկանության Արարատի մարզային վարչության և Արտաշատի բաժնի քրեական հետախույզները, իրացնելով օպերատիվ տվյալները և ձեռնարկելով օպերատիվ-հետախուզական միջոցառումներ, բաժին են բերել և ձերբակալել նույն գյուղի 24-ամյա մի բնակչի: Նա ներկայացվել է վարույթն իրականացնող մարմնին:
Ձեռնարկվում են միջոցառումներ՝ գողոնը հայտնաբերելու ուղղությամբ:
Հանգամանքները պարզվում են:
Նախաքննությունը շարունակվում է:
