«Ինչո՞ւ տեղի չի ունենում ՀՀ ու Արցախի նախկին նախագահների և Վեհափառ Հայրապետի հերթական հանդիպումը։ Ինչո՞ւ»․ Հրանտ Մելիք–Շահնազարյան
Հրանտ Մելիք–Շահնազարյանը ֆեյսբուքյան իր էջում գրում է․ «Արցախի Թեմի առաջնորդ Վրթանես եպիսկոպոս Աբրահամյանը նախօրեին կոչով է հանդես եկել՝ նշելով, որ պետք է սթափվենք և տեր կանգնենք մեր երկրին։ Վերջին օրերին բազում բարձրաստիճան հոգևորականներ անընդհատ տագնապի զանգեր են հնչեցնում։
Քարոզներ, հարցազրույցներ, կոչեր… Ակնհայտ է՝ խիստ ալեկոծ է նրանց հոգին, ուզում են ինչ-որ բան անել, օգտակար լինել, իրենց ծառառությունը բերել, բաց… Բայց կարծես խանգարող հանգամանք կա։
Ի՞նչն է խանգարում հոգևոր հայրերին։ Ի՞նչն է խանգարում մեր քաղաքական վերնախավին։ Ի՞նչն է խանգարում ազգային էլիտաներին։ Ի՞նչը։
Եվ, վերջապես, ինչո՞ւ տեղի չի ունենում ՀՀ ու Արցախի նախկին նախագահների և Վեհափառ Հայրապետի հերթական հանդիպումը։ Ինչո՞ւ»։
