Չեխիայում ավտոմեքենայի վառելիքի գինը վերջին շաբաթվա ընթացքում ավելացել է միջին հաշվով 7 տոկոսով
Չեխիայի ավտոլցակայաններում (ԱԼԿ) ավտոմեքենայի վառելիքի գինը վերջին շաբաթվա ընթացքում կտրուկ աճել է միջին հաշվով 7 տոկոսով: Այդ մասին հաղորդել է CCS ընկերությունը, որը 2005 թվականից ամեն օր տվյալները է հավաքում հանրապետության ԱԼԿ-ներում բենզինի եւ դիզելային վառելիքի արժեքի վերաբերյալ:
Հանրապետության ԱԼԿ-ներում մեկ լիտր բենզինի արժեքն անցած շաբաթվա ընթացքում բարձրացել է գրեթե երեք կրոնով՝ հասնելով 41,92 կրոնի (մոտավորապես 1,66 դոլարի): Դիզելային վառելիքի գինն ավելացել է միջին հաշվով 2,29 կրոնով՝ մեկ լիտրի դիմաց հասնելով 45,29 կրոնի (շուրջ 1,8 դոլար)»,-նշել է ընկերությունը:
Չեխիայում ավտոմեքենայի վառելիքի գինը պատմական առավելագույնի է հասել հունիսի վերջին, երբ ԱԼԿ-ներում մեկ լիտր բենզինն արժեր միջին հաշվով 47,96 կրոն (շուրջ 2,1 դոլար՝ այն ժամանակվա կուրսով), իսկ մեկ լիտր դիզելային վառելիքը՝ 48 կրոնից բարձր (մոտավորապես 2,2 լիտր):
Մինչդեռ մեկ տարի առաջ Չեխիայում մեկ լիտր բենզինն արժեր 16,79 կրոնով (շուրջ 0,7 դոլար) պակաս, մեկ լիտր դիզելային վառելիքը՝ 20,53 կրոնով (մոտավորապես 0,9 դոլար) պակաս, քան հանրապետությունում ավտոմեքենայի վառելիքի գնի աճի բարձրակետի ժամանակ, հաղորդել է ՏԱՍՍ-ը:
