Տղամարդը հայտնել է, որ թմրանյութերից կախվածություն ունի…
Ոստիկանության Մեծամորի բաժնի ծառայողները օպերատիվ տեղեկութունն իրացրին հոկտեմբերի 9-ի գիշերը: Ժամը 4-ին մոտ, թմրամիջոց ապօրինի պահելու կասկածանքով, Մեծամոր քաղաքում նրանք ձերբակալել և բաժին են տեղափոխել 59-ամյա մի տղամարդու: Անձնական խուզարկությամբ նրա մոտ հայտնաբերվել է դեղնականաչավուն զանգվածով պոլիէթիլենային երկու տոպրակ` ընդհանուր 400 գրամից ավելի քաշով:
Տղամարդը հայտնել է, որ թմրանյութերից կախվածություն ունի, իսկ հայտնաբերված կանեփն անձնական օգտագործման համար հավաքել է վայրաճ բույսերից: Հայտնաբերվել են նաև դանակ ու լապտեր։
Նշանակվել է փորձաքննություն, հանգամանքները պարզվում են:
