Կարեն Խաչանովը US Open-ի 4-րդ շրջանում է
Նյու Յորքում շարունակվում է թենիսի «Մեծ սաղավարտի» ԱՄՆ բաց առաջնությունը:
Հայկական արմատներով ռուսաստանցի թենիսիստ Կարեն Խաչանովը հաղթանակ է տոնել երրորդ շրջանում: Խաչանովի մրցակիցը Մեծ Բրիտանիան ներկայացնող Զեկ Դրափերն էր: Երկրորդ սեթի ավարտից հետո բրիտանացին հրաժարվել է հետագա պայքարից` Խաչանովը տեխնիկական հաղթանակ է տոնել:
Թենիսի ԱՄՆ բաց առաջնությունը «Մեծ սաղավարտի» 4 հիմնական մրցաշարերից մեկն է, որն անցկացվում է 1881 թվականից: Այս տարի մրցաշարի մրցանակային ֆոնդը ռեկորդային է՝ 60 միլիոն ԱՄՆ դոլար: US Open-ի տղամարդկանց մենախաղերի գործող չեմպիոնը Դանիիլ Մեդվեդևն է, իսկ կանանց մենախաղերինը` Էմմա Ռադուկանուն:
