Երևանի բուսաբանական այգում ավելացել է թափառող շների քանակը
Վերջին շրջանում Երևանի բուսաբանական այգում ավելացել է թափառող շների քանակը։ ԳԱԱ Ա․ Թախտաջյանի անվան բուսաբանության ինստիտուտի տնօրինությունը արդեն դիմել է Երևանի քաղաքապետարան թափառող շների վնասազերծման համար։
«Խնդրում ենք որոշ ժամանակ զգոնություն պահել, մենչև կլուծվի Երևանի բուսաբանական այգում թափառող շների հարցը:
Որքան էլ, որ Երևանի քաղաքապետարանը զբաղվի թափառող շների վնասազերծման հարցերով, արդյունքը նկատելի չի լինի, քանի դեռ կշարունակվեն ընտանի կենդանիներին բերել և ուղղակի բաց են թողնել Երևանի բուսաբանական այգու տարածքում»,- նշված է Բուսաբանական այգու ֆեյսբուքյան էջում։
