«Տիկին վարչապետուհին կոպտել է դասախոսին և թունոտ ծաղրել գավառցիներին․․․»․ Ավետիք Իշխանյան
Ավետիք Իշխանյանը ֆեյսբուքյան իր էջում գրում է․ «Մեր ժամանակների լեդի Մակբեթը․․․
Կարդացի վարչապետուհու հերթական այցի մասին, այս անգամ Գավառի Համալսարան։
Տիկին վարչապետուհուն զայրացրել է Համալսարանի դասախոսի ելույթը արցախյան պատերազմի և հազարավոր զոհերի մասին։ Տիկին վարչապետուհին կոպտել է դասախոսին և թունոտ ծաղրել գավառցիներին։ Ի՞նչ է կատարվում։
Տիկին վարչապետուհին, կեղծ ժպիտը դեմքին պարբերաբար այցելում է պատերազմի ժամանակ, «հանուն ոչնչի» զոհվածների հարազատներին, նրանց հյուրասիրում, «քաղցր» խոսքերով «մխիթարում»։Տիկին վարչապետուհին, կարծես ոչինչ չի եղել, նաև վոյաժներ է կատարում Հայաստանի մարզեր, շոշափում ժողովրդի կարծիքը և ամենայն հավանականությամբ որոշումներ կայացնում, ոմանց պատժելու, ոմանց խրախուսելու։ Իրականում գործում է Լեդի Մակբեթի սինդրոմը, այն է՝ լվանալ արյունոտ ձեռքերը։
Սակայն, միևնույնն է, որքան էլ Շեքսպիրի հերոսուհի Լեդի Մակբեթը լվանար ձեռքերը, արյունը չէր անցնում»։
