Ռուսաստանը մերժել է Զատկին զինադադար հաստատելու առաջարկը. Զելենսկի
Ուկրաինայի նախագահ Վլադիմիր Զելենսկին հայտարարել է, որ Ռուսաստանը մերժել է Սուրբ Զատկին զինադադար հաստատելու առաջարկը։
«Ցավոք, Ռուսաստանը մերժեց Զատկի զինադադար հաստատելու առաջարկը: Սա շատ լավ ցույց է տալիս, թե ինչպես են այս պետության ղեկավարները վերաբերվում քրիստոնեական հավատքին՝ ամենաուրախ և կարևոր տոներից մեկին: Բայց մենք շարունակում ենք հուսալ: Հույս խաղաղության, հույս, որ կյանքը կհաղթի մահը», – ասել է Զելենսկին:
