Ապօրինի թմրաշրջանառության դեպք է բացահայտվել

Ապրիլի 8-ին ոստիկանության Սպիտակի բաժնի քրեական հետախույզները, ապօրինի թմրամիջոց պահելու կասկածանքով, Սպիտակի Քըրքորյան փողոցից բաժին բերման ենթարկեցին 33 և 40 տարեկան երկու տղամարդու։

Անձնական խուզարկությամբ նրանցից մեկի գրպաններից հայտնաբերվեցին մարիխուանայի նմանվող չորացված և մանրացված զանգվածով 2 փաթեթ՝ ընդհանուր մոտ 9 գրամ քաշով։ Ըստ տղամարդու՝ հայտնաբերվածը քաղել էր վայրաճ կանեփի թփերից, մանրացրել ու չորացրել էր՝ որպես թմրամիջոց օգտագործելու համար։

Նշանակվել է փորձաքննություն։

Հանգամանքները պարզվում են։