Արցախում առկա լարված իրավիճակի համար մեղավոր է նախ՝ Ադրբեջանը, ապա՝ ՀՀ իշխանությունները․ հարցում
«Ըստ Ձեզ՝ ո՞վ է մեղավոր Արցախում ստեղծված լարված իրավիճակի համար»՝ սա «GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ-ի հերթական հետազոտության հարցադրումներից է:
Էմ Փի ՋԻ ՍՊԸ տնօրեն Արամ Նավասարդյանը լրագրողների հետ հանդիպման ժամանակ նկատեց՝ այս հարցադրմանը հարցվողներն առավելագույնը երկու պատասխանի հնարավորություն են ունեցել:
«Եվ 43.8 տոկոսը նշել է Ադրբեջան, 27 տոկոսը՝ ՀՀ իշխանություններ, ՌԴ խաղաղապահները՝ 14.1 տոկոսը, ԼՂՀ իշխանություն՝ 6.1 տոկոս, Թուրքիա՝ 3.9 տոկոս, և այլ պատասխանները՝ 13 տոկոս»,- տեղեկացրեց նա
