Իտալական զատկի պիրոգ

Բաղադրիչներ

1. Սերուցք – 300 մլ

2. Շաքարի փոշի – 1 ճ/գ

Կրեմի համար՝

1. Նարնջի ցուկատ – 150 գ

2. Ձվի դեղնուց – 7 հատ

3. Վանիլային շաքարավազ – 3 ճ/գ

4. Ալյուր – 130 գ

5. Կաթ – 250 մլ

6. Ռիկոտա պանիր – 600 գ

7. Նարինջ – 2 հատ

Խմորի համար՝

1. Ալյուր – 300 գ

2. Փխրեցուցիչ – 1.5 թ/գ

3. Շագանակագույն շաքարավազ – 120 գ

4. Աղ – 0.5 գ

5. Կարագ – 80 գ

6. Ձվի դեղնուց – 3 հատ

Պատրաստման եղանակը

1. Ալյուրը, փխրեցուցիչը, շաքարավազը և կտրատված կարագը խառնել, դանակի օգնությամբ վերածել փշուրի: Ավելացնել դեղնուցները և 2 ճ/գ ջուր, խմոր հունցել: Սառեցնել 1 ժամ:

2. Կրեմի համար դեղնուցները լավ տրորել վանիլային շաքարավազի և ալյուրի հետ: Բարակ շիթով ավելացնել եռացրած կաթը, խառնել, մինչև հարթ դառնալը: Սառեցնել, խառնել ռիկոտայի հետ:

3. Նարնջի կեղևը քերել, հետո առանձնացնել նարնջի փափկամիսը: Նարինջը, քերած կեղևը և չիրը ավելացնել ռիկոտային: Լավ խառնել:

4. Խմորի 2/3-ը գրտնակել 36 սմ կլոր շերտի: Տեղավորել 26 սմ յուղապատ կաղապարի մեջ: Պատառաքաղով ծակծկել: Ռիկոտայով զանգվածը լցնել շերտի վրա, հարթեցնել, խմորի եզրերով ծածկել միջուկը:

5. Մնացած խմորից գրտնակով 1.5 սմ լայնության շերտեր ձևավորել: Պիրոգի վրա դրանցով ցանց պատրաստել: Վրան յուղ քսել: Թխել 40 րոպե՝ 180 աստիճան տաքացրած ջեռոցում: Հետո ծածկել փայլաթիթեղով և թխել ևս 20 րոպե:

6. Պիրոգը սառեցնել: Սառը սերուցքը հարել շաքարի փոշու հետ: Պիրոգը կտրատել, մատուցել՝ յուրաքանչյուր կտորի վրա հարած սերուցք ավելացնելով:

Պատրաստեց Անի Գաբուզյանը