Թուրքական շահերը՝ հայկական խաղաղասիրության քողի տակ
Որքան շատ են Հայաստանի իշխանությունները հերքում Սյունիքով անցնող, այսպես կոչված, Զանգեզուրի միջանցքի կառուցման մասին լուրերը, այնքան հաճախ են դառնում այդ առնչությամբ Ադրբեջանից հնչող հայտարարությունները:
Օրեր առաջ Ալիևը կրկին հիշեցրել է, որ Զանգեզուրի միջանցքով Ադրբեջանից դեպի Նախիջևան, ապա Թուրքիա և Իրան նոր գծի կառուցումն Ադրբեջանի առաջիկա ծրագրերում է և որ այն մեծ դեր կխաղա ոչ միայն երկաթուղային, ճանապարհային և օդային տրանսպորտի, այլև դեպի Նախիջևան, այնտեղից էլ արտաքին շուկաներ էներգակիրների արտահանման համար: Իսկ Թուրքիան պատուհան կստանա դեպի Եվրոպա:
Թե ի՞նչ կշահի սրանից Հայաստանը, դեռ պարզ չէ, թեև Հայաստանի իշխանությունը պնդում է, որ ճանապարհների ապաշրջափակումն ու սահմանների բացումը 100 տոկոսով բխում է Հայաստանի շահերից:
Փորձագետները 168․am-ի հետ զրույցում մատնանշում են վտանգների ու սպառնալիքների մասին:
