Վանում երկարաձգվել է ցույցեր և հանրահավաքներ կազմակերպելու արգելքը
Ներկայիս Թուրքիայի Վանի նահանգում ավելի քան երկու տարի տևող հավաքների և ցույցերի կազմակերպման արգելքը կրկին երկարաձգվել է: Այս մասին, ըստ ermenihaber.am-ի՝ հայտնել են Վանի նահանգապետարանից: Արգելքը երկարաձգվել է մինչև նոյեմբերի 29–ը:
Հիշեցնենք, որ Վանում կա մեծ թվով քուրդ բնակչություն և ոչ վաղ անցյալում այնտեղ տեղի էին ունենում թուրք-քրդական բախումներ: Թե ինչ պատճառով է այժմ երկարաձգվել արգելքը, հայտնի չէ:
