Թուրքիայում հյուրանոցները կտուգանվեն կամ կփակվեն «շվեդական սեղաններ»-ով սնունդ ապահովելու համար
Թուրքական այն հյուրանոցները, որոնք կորոնավիրուսի համաճարակի պայմաններում զբոսաշրջիկներին սնունդ կմատուցեն «շվեդական սեղաններ»-ի տարբերակով՝ կտուգանվեն կամ կփակվեն: Այս մասին РИА Новости-ին տված հարցազրույցում ասել է Թուրքիայի հյուրանոցային բիզնեսիֆեդերացիայի ղեկավար Սուրուրի Չորաբատիրը:
«Անվտանգ զբոսաշրջային բիզնեսի սերտիֆիկացման մեջ փոփոխություններ չկան: Եթե Թուրքիայի մշակույթի և զբոսաշրջության նախարարությունը ստուգումների ընթացքում հյուրանոցներում խախտումներ է հայտնաբերում, ապա դա ենթակա է տուգանքի: Եվ եթե հյուրանոցային ընկերությունը շարունակում է համառել ու չենթարկվել հաստատված նորմերին հետևելու, ապա այն կարող է փակվել»,- ասել է նա:
Նրա խոսքով՝ մի քանի հյուրանոցներ, որոնք այդպիսի խախտումներ են թույլ տվել, տուգանվել են, իսկ հետո փակվել:
