Հաիթիի սպանված նախագահի կնոջ առողջական վիճակն անհանգստություն այլևս չի առաջացնում
Հաիթիի սպանված նախագահ Ժովենել Մոիզի կնոջ առողջական վիճակն անհանգստություն չի առաջացնում: Այս մասին ՄԱԿ-ի Գլխավոր ասամբլեայի նիստին հայտարարել է կազմակերպությունում Հաիթիի մշտական ներկայացուցիչ Անտոնիո Ռոդրիգեն:
Նա հայտնել է, որ երկրում անվտանգային իրադրությունը ազգային ոստիկանության ու զինված ուժերի վերահսկողության տակ է:
Ռոդրիգեն տեղեկացրել է, որ իշխանությունները հետաքննություն են իրականացնում նախագահի դեմ իրականացված դեպքի առնչությամբ, հայտնաբերվել են հանցավոր խմբի անդամների մեծ մասը: «Նրանցից երկուսը մահացել են ոստիկանության հետ կրակահերթի ժամանակ, իսկ 15-ը արդարադատության համակարգի ձեռքերում են: Հետաքննություն է իրականացվում՝ պարզելու, թե ով է կանգնած հանցագործության հետևում»,- հայտարարել է նա՝ հավելելով, որ Հաիթին ավելի քան երբևէ միջազգային հանրության աջակցության կարիքն ունի:
