ԱՀԿ-ն հայտարարել է, որ կորոնավիրուսի նոր շտամները հաղթում են պատվաստանյութերի հետ մրցավազքում
Կորոնավիրուսի նոր՝ վարակելու ավելի բարձր ցուցանիշ ունեցող տարբերակները հաղթում են պատվաստանյութերի դեմ պայքարում, քանի որ աշխարհում պատվաստանյութերի դեղաչափերի բաշխման տեսանկյունից հավասարություն չկա: Այս մասին հայտարարել է Առողջապահության համաշխարհային կազմակերպության գլխավոր տնօրեն Փեդրոս Գեբրեյեսուսը:
«Կորոնավիրուսի տարբերակներն այս պահին հաղթում են պատվաստանյութերի հետ մրցավազքում՝ դեղաչափերի բաշխման հարցում աշխարհում առկա անհավասարության հետևանքով: Դա նաև սպառնալիք է համաշխարհային տնտեսական վերականգնմանը»,- նշել է նա:
