Էրդողանը կայցելի Բաքու և Արցախ. «ՌԻԱ Նովոստի»
Թուրքիայի նախագահ Ռեջեփ Թայիփ Էրդողանը հունիսի 15-ին կայցելի Բաքու, իսկ հաջորդ օրը ծրագրված է նրա այցը Շուշի: Այս մասին «ՌԻԱ Նովոստի» գործակալությանը տեղեկացրել է Բաքվում իր դիվանագիտական աղբյուրը:
Ավելի վաղ «Ռեպորտ» ադրբեջանական գործակալությունը վկայակոչելով Թուրքիայի մշակույթի և զբոսաշրջության նախարար Մեհմեդ Նուրի Էրսոյին, հայտնել էր, որ Էրդողանի այցը Բաքու նախատեսվում է առաջիկա շաբաթների ընթացքում:
«Հունիսի 15-ին սպասվում է Թուրքիայի նախագահի այցը Ադրբեջան: Հաջորդ օրը սպասվում է, որ Ադրբեջանի և Թուրքիայի նախագահները կայցելեն Ղարաբաղի Շուշի քաղաք»,-ասել է գործակալության զրուցակիցը:
Նրա խոսքերով ՝ Թուրքիայի առաջնորդի Շուշի կատարվելիք այցի ընթացքում սպասվում է, որ նա կմասնակցի դպրոցի հիմքի դրման արարողությանը:
