Իրանը կշարունակի Վիեննայում միջուկային գործարքի շուրջ բանակցությունները մինչև համաձայնության հասնելը
Իրանը շարունակելու է բանակցությունները իրանական միջուկային ծրագրի շուրջ Գործողությունների համատեղ համապարփակ ծրագրի վերականգնման շուրջ, որոնք ընթանում են Վիեննայում, մինչև պայմանավորվածությունների ձեռքբերումը: Այս մասին կիրակի հայտարարել է Իրանի նախագահ Հասան Ռոհանին, փոխանցում է Տ/ԱՍՍ-ը:։
«Մենք (Իրանի իշխանությունները) կշարունակենք բանակցությունները Վիեննայում այնքան ժամանակ, մինչև վերջնական համաձայնության ձեռք բերելը», – նշել է Ռոհանին, որի խոսքը մեջբերել է իրանական ISNA գործակալությունը:
Իրանի նախագահի խոսքով՝ Վիեննայում կայացած հանդիպումների ընթացքում ԱՄՆ-ն «ոչ երկիմաստ հայտարարել է պատժամիջոցները չեղարկելու իր պատրաստակամության մասին»: Ինչպես նշել է Ռոհանին, «իրանական տնտեսության տարբեր ոլորտներում արտադրության աճը՝ Իրանի վրա Վաշինգտոնի առավելագույն ճնշման քաղաքականության անարդյունավետության լավագույն վկայությունն է»:
Այս հանգամանքները, ընդգծել է Իրանի նախագահը, «ստիպում են ԱՄՆ-ին ճանաչել պատժամիջոցների քաղաքականության ձախողումը»:
