50 մտքեր, որոնք կմոտիվացնեն անելու ամեն ինչ

Մոտիվացիան շատ կամակոր բան է, հատկապես, եթե բարդ աշխատանք պիտի անեք, որին չգիտեք` ինչպես մոտենալ: Եթե ձեր առջև խնդիր է դրված նոր գաղափար ներդնել կամ փոխել կուրսը, դուք սկսում եք դա հետաձգել, ժամանակ շահել, կամ, որ ավելի վատ է, ընդհանրապես հրաժարվել այդ նպատակից:

Մտքերն անհավանական ուժ ունեն: Ցավոք, բացասականները` նույնպես, և դրանք կարող են խոչընդոտել ձեզ ձեր մտածածն իրականացնելիս: Մյուս կողմից՝ դրական մտքերը նույնպես շատ հզոր են ու կարող են օգնել ձեզ:

Հաջորդ անգամ, երբ կզգաք, որ ձեզ մոտ իսպառ բացակայում է մոտիվացիան, հիշեք ստորև բերվող պոզիտիվ մտքերը, որոնք կվերափոխեն ձեզ: Դրանք իսկապես գործում են:

1. Ես կարող եմ անել՝ ինչ ասես:

Սա շատ պարզ արտահայտություն է, բայց հիշեցնում է, որ իսկապես ձեր ուժերի սահմաններում է անել այն, ինչ մտածել եք:

2. Ահա թե ինչու ես դա կարող եմ անել:

Փոխանակ բազում պատճառներ հորինեք, թե ինչու չեք կարող ինչ-որ բան անել, հիշեք այն պատճառները, որոնք ձեզ դա անելու հնարավորություն կտան:

3. Ես ավելիին եմ արժանի:

Դու արժանի եք լավագույն կյանքին, իսկ դա նշանակում է` լավագույն աշխատանքին, ավելի կատարյալ ու առողջ մարմնին, լավագույն աշխատավարձին: Աշխատեք ու ջանացեք դրա համար:

4. Երբեք չափազանց ուշ չի լինում:

Նշանակություն չունի, թե դուք քանի տարեկան եք կամ կյանքի տված որքան հնարավորություններ եք բաց թողել: Երբեք ուշ չէ որոշում կայացնել ու ինչ-որ նոր բան սկսել:

5. Խնդիրներ միշտ կլինեն:

Անկախ նրանից, թե ինչով եք զբաղվում կյանքում, խնդիրներ միշտ կլինեն: Պարզապես թույլ մի տվեք, որ դրանք իշխեն ձեզ:

6. Հարմար ժամանակ գոյություն չունի:

Եթե դուք ավելի հարմար ժամանակի եք սպասում, մոռացեք այդ մասին: Այդպիսի բան պարզապես չկա բնության մեջ:

7. Լավագույն պլան չի լինում:

Եթե կարծում եք, որ ձեր պլանը թերություններ ունի, իմացեք, որ դրանք ցանկացած բոլորն ունեն:

8. Բոլորն էլ սկսում են ինչ-որ բանից:

Ոչ ոք գերհաջողակ չի ծնվում: Յուրաքանչյուրն ինչ-որ բանից սկսում է, և որպես կանոն` ամենաներքևից:

9. Քայլ առ քայլ:

Մի փորձեք ամեն ինչ միանգամից անել: Ձեր ուղին փոքր քայլերի բաժանեք:

10. Ամեն քայլի հետ ավելի հեշտ կլինի:

Եթե սկզբում ձեզ ամեն ինչ մեծ դժվարությամբ է տրվում, ժամանակի հետ ավելի հեշտ կլինի:

11. Անհաջողությունները ժամանակավոր բան են:

Եթե անհաջողության եք մատնվել, նորմալ է: Որպես կանոն` հաջողությունն անհաջողությունների միջոցով է գալիս:

12. Սխալները սովորելու հնարավորություն են:

Երբ դուք դրանք ուղղեք, ավելի լավը կդառնաք:

motivation concept. I can not change to I can

13. Այսօրը այն ամենն է, ինչ ես կարող եմ վերահսկել:

Մոռացեք այն մասին, թե ինչ եք արել երեկ: Իմաստ ունի միայն այն, ինչ այսօր կա:

14. Եթե դա այդքան հեշտ լիներ, բոլորը կանեին դա:

Ոչ մի իսկապես արժեքավոր բան հեշտ չի տրվում:

15. Երբևէ-ն հենց այսօր է:

Եթե դուք նման եք մարդկանց մեծ մասին, ուրեմն հաճախ եք ասում` երբևէ, երբ խոսքը գնում է ձեր պլանների կամ մտադրությունների մասին: Այդ երբևէ-ն վերածեք այսօրի:

16. Բացասական մտքերն ինձ չեն կարող կանգնեցնել:

Դրանք սոսկ մտքեր են և ոչինչ ավելի:

17. Ես ավելի բարդ բաներ էլ եմ արել:

Հիշեք այն ժամանակը, երբ հաջողությամբ հաղթահարել եք բոլոր դժվարությունները:

18. Ոչինչ այս աշխարհում հենց այնպես չի գալիս:

Դուք կյանքում ոչինչ չեք ստանա, եթե դրա համար տքնաջանորեն չաշխատեք:

19. Ավելի լավ է անել, քան չանել ու զղջալ:

Անգամ սխալ որոշումները միշտ ավելի լավ են, քան ոչինչ չանելն ու հետո ողջ կյանքում զղջալը:

20. Ձեզ ոչ մեկի թույլտվությունը պետք չէ:

Եթե մարդիկ մտածում են, որ ես գժվել եմ, թող մտածեն:

21. Միայն անհաջողություններ ու տապալումներ չեն լինում:

Հնարավոր չէ իսկապես տապալվել կյանքում, և եթե այդպես եք մտածում, ուրեմն ոչինչ էլ չեք արել:

22. Ես ինքս եմ վերահսկում իմ ճակատագիրը:

Դուք ինքներդ կարող եք որոշել, թե ինչ եք ուզում դառնալ:

23. Ձանձրալի որոշումներ` ձանձրալի արդյունք:

Մտածեք ոչ ստանդարտ որոշումներ:

24. Արժե ռիսկի դիմել:

Ձեզ հաշիվ տվեք, թե երբ եք ռիսկի դիմում, սակայն ով դա չի անում, շամպայն չի խմում:

24. Շատ հանճարեղ գաղափարներ սկզբում խելացնոր կամ անհնարին են թվում:

Ձերը ոչնչով չի տարբերվում:

25. Ես աջակցություն ունեմ:

Ձեր ընկերները, հարազատները, գործընկերները եթե կարծում են, որ դուք գժվել եք, դուք միշտ էլ համացանցում կարող եք համախոհներ գտնել, որ ձեզ աջակցեն:

26. Ամենաարժեքավոր բանը փորձն է:

Անգամ եթե ձեզ չհաջողվի հասնել ձեր նպատակին, դուք նոր բարձունքներ հաղթահարելու համար անգին փորձ ձեռք կբերեք:

27. Աշխատանքն արդեն իսկ պարգև է:

Դուք ձեզ պարզապես գերազանց կզգաք, եթե միայն փորձեք ինչ-որ բան անել:

28. Կարևոր է ամեն օրը:

Այսօրը, վաղն ու վաղը չէ մյուս օրը: Սրանք բոլորը դեպի նպատակ քայլեր են:

29. Ամենակարևորն այն է, թե ինչպես ենք մենք տեսնում, այլ ոչ` ուրիշները:

Մոռացեք այն մասին, թե ով ինչ է մտածում: Կարևոր է միայն, թե դուք ինչ եք մտածում:

30. Չլուծվող խնդիր չկա:

Ամեն ինչ կարելի է լուծել, եթե դրա համար ջանք թափես:

32. Սովորական գործողություններ` սովորական կյանք: Ոչ ոք չի ուզում միջակ լինել: Ձեզ թույլ մի տվեք այդպիսին դառնալ:

33. Ամեն ինչ կարելի է ուղղել:

Անգամ եթե ձեր մեկնարկն այնքան հաջող չի եղել, դուք միշտ կարող եք շտկել ամեն ինչ:

34. Ես կարող եմ իմանալ աշխարհում ամեն ինչ:

Այսօր ինֆորմացիայի մատչելի աղբյուրները միլիոնավոր են:

35. Ես կարող եմ սովորել անել ինչ ասես:

Պրակտիկան ձեզ մասնագետ կդարձնի ցանկացած ոլորտում:

36. Կամքի ուժն իմ գլխի մեջ է:

Դուք կարող եք այնպիսի կամքի ուժ ունենալ, ինչպիսին որ ուզում եք: Միայն թե ցանկություն լինի:

37. Ես գիտեմ, թե ինչ եմ ուզում:

Որոշեք ձեր նպատակն ու իրականացրեք այն:

38. Զգացմունքներն իմ մտքերի արտադրանքն են:

Եթե դուք ճնշված եք ու ոչ մի բանի չեք հավատում, իմացեք, որ այդ զգացմունքները գեներացնում են ձեր մտքերը: Ու դուք կարող եք վերահսկել դրանք:

39. Փորձել ու պարտություն կրելն ավելի լավ է, քան ոչինչ չանելը:

Սա ունիվերսալ կանոն է:

40. Ես այն եմ, ով ուզում եմ լինել:

Ոչինչ չի կարող խանգարել ձեզ լինել նա, ով դուք ուզում եք լինել:

41. Ես չեմ կարող հաղթել, քանի դեռ չեմ փորձել:

Ջանքերն արդյունքի հասցնող միակ ճանապարհն են:

42. Իմ կյանքն իմ որոշումների արդյունքն է:

Արեք այն, ինչ իսկապես կարևոր է:

43. Այսօր ես ավելի լավն եմ, քան երեկ էի:

Դուք դառնում եք ավելի հասուն, իմաստուն և փորձառու, քան նախկինում էիք:

44. Ոչ մի էական բան մի օրում չի կատարվում:

Ձեր ուղեկիցներն են համբերությունն ու աշխատանքը:

45. Եթե սկսեմ, հետո արդեն ավելի հեշտ կլինի:

Դուք ձեզ ավելի ու ավելի մոտիվացված կզգաք:

46. Ես կպարգևատրեմ ինձ, հենց որ հասնեմ նպատակիս:

Անգամ փոքր պարգևներն են հիանալի մոտիվացնում:

47. Ես սա միայն ինձ համար չեմ անում:

Հնարավոր է՝ դուք դա անում եք ընտանիքի կամ հասարակության համար: Ամեն դեպքում դա լուրջ մոտիվացիա է:

48. Հնարավորությունները միշտ շատ են:

Եթե անհաջողության մատնվեք, միշտ կարող եք կրկին փորձել:

49. Եթե ոչինչ չստացվի, ծայրահեղ դեպքում պատմելու բան կլինի: Դուք դա հետո կհիշեք՝ որպես մեծ պատմություն կամ անեկդոտ:

50. Պոզիտիվ մտածողության ուժ ասվածը սոսկ բառեր չեն:

Գիտնականներն ապացուցել են, որ պոզիտիվ մտքերն ու նեգատիվ խոսակցությունների բացակայությունը լավացնում են տրամադրությունը, ինքնազգացողությունը և արդյունավետությունը: Այդ մտքերն օգնում են նպատակին հասնելու համար մոտիվացիա մշակել:

Թարգմանեց և հրապարակման պատրաստեց 168.am-ը