Քաշաթաղի շրջանում մասունքների որոնողական աշխատանքներն արդյունք չեն տվել․ աշխատանքներն այսօր շարունակվում են Հադրութի շրջանում․ Արցախի ԱԻՊԾ
![](https://168.am/wp-content/uploads/2021/02/diak-arcax.jpg)
Երեկ Արցախի վերահսկողությունից դուրս գտնվող Քաշաթաղի շրջանի հարավային թևում իրականացված որոնողական աշխատանքներն արդյունք չեն տվել: Այս մասին հայտնում են Արցախի ԱԻՊԾ-ից։
Փրկարարական մեկ ջոկատով որոնողափրկարարական աշխատանքներն այսօր շարունակվում են Հադրութի շրջանում:
Զինադադարից հետո Ադրբեջանի վերահսկողության տակ անցած տարածքներից հայտնաբերվել և տարհանվել է ընդհանուր 1539 աճյուն, որից 27-ը՝ նախնական տվյալներով քաղաքացիական անձինք են: