Առողջապահության նախարար կնշանակվի Անահիտ Ավանեսյանը
Քիչ առաջ ՀՀ նախագահի աշխատակազմից լրատվամիջոցներից մեկին տեղեկացրել էին, որ նախագահի աշխատակազմը ստացել է Նիկոլ Փաշինյանի առաջարկը՝ առողջապահության նախարար Արսեն Թորոսյանին աշխատանքից ազատելու մասին:
Վերջինս, ըստ մամուլում հրապարակված տեղեկությունների, կզբաղեցնի Նիկոլ Փաշինյանի աշխատակազմի ղեկավարի պաշտոնը՝ ներկայումս այդ պաշտոնում պաշտոնավարող Էդուարդ Աղաջանյանի փոխարեն:
168.am-ի տեղեկություններով՝ Առողջապահության նոր նախարար կնշանակվի Անահիտ Ավանեսյանը, ով մինչ այդ կազատվի առողջապահության փոխնախարարի պաշտոնից:
