«Եկեք վերլուծենք Նիկոլի թեզը «էլիտաների բունտի» մասին…»․ Կարեն Վրթանեսյան
Կարեն Վրթանեսյանը ֆեյսբուքյան իր էջում գրում է․ «Եկեք վերլուծենք Նիկոլի թեզը «էլիտաների բունտի» մասին…
Մի կողմ դրենք դրա մանիպուլյատիվ, դեմագոգիկ բնույթը, քանի որ Դավաճանն ինքն էլ է էլիտայի մաս, ինչքան էլ դա ցավալի է գիտակցելը։
Բայց…
Հիշո՞ւմ եք, օրեր առաջ գրել էի, որ ժողովրդին ցեղասպանելուն պատրաստելու համար 2 գործիք են կիրառում. մեկը անորոշության մեջ պահելն է շարքային քաղաքացուն, որ ոչ մի վայրկյան հստակություն չունենա, չկարողանա ինքնուրույն որոշումներ կայացնել, մյուսը՝ քաղաքական, հասարակական, մտավորական առաջնորդների ոչնչացում, որ կողքից որոշում առաջարկող էլ չլինի։
Նիկոլը ոչնչացրել է քաղաքական, հասարակական առաջնորդներին ոչ թե ֆիզիկապես, այլ քարոզչական առումով, բայց արդյունքը նույնն է։
Այս «էլիտան խռովություն է բարձրացրել ժողովրդի [ու Նիկոլի] դեմ» թեզը նույն գծի մեջ է։
Նիկոլն ամեն ինչ անում է, որ բացի իրենից ոչ ոք չկարողանա առաջնորդության հավակնել։
Եթե նախկինում Սերժ Սարգսյանը, ավելի վաղ՝ Ռոբերտ Քոչարյանը ըստ էության մոդերատորներ էին հասարակության տարբեր խմբերի առաջնորդների համար և չէին ձգտում բոլոր այդ խմբերն անձամբ առաջնորդել, ապա Նիկոլը ուզում է միակ առաջնորդը լինել և ջանք չի խնայում բոլոր խմբերի առաջնորդներին վարկաբեկելու, նրանց «կերպարները ոչնչացնելու» համար։
Դա անում է ֆեյքերի ֆաբրիկաներով, զանազան զոնապոզիտիվներով ու փերֆեքթթիվիներով…
#ԵրկիրՀԺ»։
