Գեղամ Մանուկյանը կձերբակալվի
«Գեղամ Մանուկյանին մեղադրանք է առաջադրված ՀՀ քրեական օրենսգրքի 225/1 հոդվածով: Նա այսօր կձերբակալվի»,-ասաց «Երկիր Մեդիա» հ/ը ծրագրերի տնօրեն Գեղամ Մանուկյանի փաստաբան Գարիկ Սահակյանը 168.am-ի հետ զրույցում:
Խոսքը ապօրինի հավաք կազմակերպել և իրացնելու հանցակազմի մասին է:
«Շատ թույլ մեղադրանք է, կկոտրվի: Նպատակը 3 օր պահելն է»,-ասաց Գարիկ Սահակյանը՝ հավելելով, որ անպայման ձերբակալման որոշումը կբողոքարկվի:
Փաստաբանի խոսքով՝ Գեղամ Մանուկյանը, բնականաբար, մեղադրանքը չի ընդունում:
