Թուրքիայում գոհ են ռուսական Բե-200-ի աշխատանքից Անթալիայի շրջանում
Թուրքիայի իշխանությունները գոհ են ռուսական Բե-200 ամֆիբիա-ինքնաթիռի աշխատանքից Անթալիայի շրջանում անտառային հրդեհները մարելիս, անձնակազմը վտանգավոր գործողություններ չի կատարել: Այդ մասին ՌԻԱ Նովոստիին հայտարարել է Անթալիայի նահանգի անտառային հրդեհների դեմ պայքարի վարչության ղեկավար Մուստաֆա Սյոնգյուրը:
Ինչպես ավելի վաղ հաղորդել էր Milliyet թերթը, Թուրքիայի իշխանությունները տեղեկություն են խնդրել ռուսական Բե-200ՉՍ ամֆիբիա-ինքնաթիռներից մեկի անձնակազմից, որոնք վարձակալել էին անտառային հրդեհների դեմ պայքարելու համար: Ջուր վերցնելուց հետո ինքնաթիռը բավականին մոտ է թռչել բնակելի շենքերին, որով անհանգստություն է առաջացրել բնակիչների շրջանում:
Ինչպես ավելի վաղ հայտարարել է СМС Savunma Sanayi ինքնաթիռների շահագործող ընկերության տնօրենների խորհրդի անդամ Ֆիզուլի Մոլլաեւը, անտառային հրդեհը տեղի է ունեցել տների մերձակայքում, որոնց վրա ինքնաթիռը թռչել է անվտանգ բարձրությամբ: Ջուր վերցնելը տեղի է ունեցել մոտակա հարմար ջրամբարից՝ հրդեհաշիջման բոլոր կանոնների համաձայն:
Ավելի վաղ ռուսական ԶԼՄ-ները հաղորդել էին, որ Բե-200 ամֆիբիա-ինքնաթիռի ռուսաստանցի օդաչուներն իբր վտանգավոր մանյովրներ են կատարել թուրքական Անթալիայի երկնքում՝ Օդանավակայանների պետական վարչության դիսպետչերական ծառայության հետ տեղի ունեցած թյուրիմացության պատճառով:
«Ինքնաթիռը սովորականից ցածր է թռչել, հենց այդ փաստը կարող էր առաջացնել դիտորդների քննադատությունը: Բայց դա ոչ մի սպառնալիք չի ներկայացրել: Խցիկում գտնվել են թուրքական կողմի ներկայացուցիչներ, ամեն ինչ անցել է հաստիքային ռեժիմով, մենք հետաքննություն չենք ձեռնարկել եւ անձնակազմից չենք պահանջել որեւէ պարզաբանում: Մենք գոհ ենք անձնակազմի աշխատանքից, ոչ մի խնդիր չկա,-ասել է գործակալության զրուցակիցը:
Նա նշել է, որ Անթալիայի անտառային հրդեհների դեմ պայքարի վարչությունը «ոչ մի հայտարարություն չի արել այդ առնչությամբ»: «Հավանաբար, լրագրողները ոչ մի հայտարարություն չեն արել իրենցից»,-հավելել է գործակալության զրուցակիցը:
