«Այսօր ժամը 23:00-ին որոշումը կկայացնեն, արագ-արագ են կատարում, շատ արագ». Ծառուկյանը դուրս եկավ դատարանից
Քիչ առաջ Երևանի ընդհանուր իրավասության դատարանից դուրս եկավ ԲՀԿ առաջնորդ Գագիկ Ծառուկյանը: Դատարանի բակում հավաքված աջակիցները նրան ողջունեցին «Ծառուկյան, Ծառուկյան» վանկարկումներով:
«Իմ տրամադրությունը շատ բարձր է, այսօր ժամը 23:00-ին որոշումը կկայացնեն, արագ-արագ են կատարում, շատ արագ»,- ասաց Ծառուկյանը՝ հավելելվ, որ մյուս բոլոր հարցերն ուղղեն իր փաստաբաններին:
Հիշեցնենք, որ Երևանի ընդհանուր իրավասության դատարանում առավոտից քննվում էր ԲՀԿ առաջնորդ Գագիկ Ծառուկյանին կալանավորելու վերաբերյալ միջնորդությունը։
