«Լիվերպուլը», «Չելսին» և ևս 7 ակումբներ խնդրել են CAS-ին պատժել «Մանչեսթեր Սիթիին»
Սպորտային արբիտրաժային դատարանը (CAS) հրապարակել է հաշվետվություն ֆինանսական արդար խաղի կանոնները խախտելու համար «Մանչեսթեր Սիթիի» երկամյա արգելքի մասին:
Հանձնաժողովը որոշել է, որ ՈՒԵՖԱ-ի պնդումներն անհիմն չեն, բայց առկա ապացույցները չեն կարող վճռել, որ «Սիթին» ստացել է թաքնված հովանավորչության ֆինանսավորում:
Զեկույցում նշվում է, որ «Սիթին» կտրականապես հերքել է հովանավորներ Etihad Airways-ի և Etisalat-ի հետ համախմբման մասին մեղադրանքները: Ակումբը հայտնում է նաև, որ այդ ընթացքում նրանցից գողացել են ավելի քան 5,5 միլիոն էլեկտրոնային փոստ:
Արդյունքում՝ հանձնաժողովը պարզել է, որ ենթադրյալ խախտումների մեծ մասի համար ժամկետն ավարտված է: Միևնույն ժամանակ՝ CAS-ը դեռևս «Մանչեսթեր Սիթիին» մեղավոր է ճանաչել կանոնները խախտելու, ինչպես նաև հետաքննության հետ համագործակցությունից հրաժարվելու համար: Հետևաբար՝ ակումբը տուգանվել է 10 միլիոն եվրոյով:
Զեկույցը նաև բացահայտում է, որ 2020 թվականի մարտին, բողոքարկման դատական քննությունից առաջ, Պրեմիեր լիգայի ինն ակումբներ խնդրել են CAS-ին արգելել «Սիթիին» մասնակցել եվրագավաթներին:
Այս ակումբներն էին «Արսենալը», «Բերնլին», «Չելսին», «Լեսթերը» , «Լիվերպուլը», «Մանչեսթեր Յունայթեդը», «Նյուքասլը», «Տոտենհեմը» և «Վուլվերհեմփթոնը»:
Անգլիայի Պրեմիեր լիգայում մրցաշրջանի ավարտին «Մանչեսթեր Սիթին» երկրորդ հորիզոնականում է և կխաղա Չեմպիոնների լիգայում, ինչպես «Լիվերպուլը», «Մանչեսթեր Յունայթեդը» և «Չելսին»: «Լեսթերը» և «Տոտենհեմը» Եվրոպայի լիգայում են, «Արսենալը» և «Վուլվերհեմփթոնը» կունենան ևս մեկ ուղեգիր:
Սիրարփի Աղաբաբյան
