«Միլանի տաճար տեղափոխելը ավելի հեշտ է, քան Մեսսիին «Ինտերի» համար ստորագրելը»․ Կոնտե
«Ինտերի» գլխավոր մարզիչ Անտոնիո Կոնտեն գնահատել է «Բարսելոնայի» հարձակվող Լիոնել Մեսսիին տեղափոխելու հավանականությունը:
Մասնագետին հարցրել են, թե ինչն է նախընտրելու՝ ձեռք բերել Մեսսիի՞ն, թե՞ չորս խաղացողներ՝ յուրաքանչյուրը՝ 50 միլիոն եվրո արժողությամբ:
«Կարծում եմ, որ երկու սցենարներն անհասկանալի են: Ես հանդես եմ գալիս իմ խաղացողների օգտին, քանի որ նրանք ամեն ինչ տալիս են, ես կարող եմ դա երաշխավորել:
Միլանի տաճար տեղափոխելը ավելի հեշտ է, քան Մեսսիին «Ինտերի» համար ստորագրելը»,- ասել է Կոնտեն:
Միլանի տաճարը Եվրոպայում ամենամեծերից մեկն է: Տաճարի ընդհանուր երկարությունը 158 մետր է, գմբեթի բարձրությունը` 106.5 մ:
Սիրարփի Աղաբաբյան
