Հայտնի են iPhone 12-ի, Apple Watch Series 6-ի և iPad-ի թողարկման և վաճառքի մեկնարկի ամսաթվերը
Ըստ երևույթին, մինչև տարեվերջ սպասվում են Apple-ի տասնյակ նոր ապրանքատեսակներ՝ հաշվի չառնելով iPhone-ի չորս մոդելները:
Twitter-ի օգտատերերից մեկը՝ @komiya_kj անունով, որը երբեմն հետաքրքիր նորություններ է հայտնում, տեղեկություններ է հրապարակել Apple-ի սպասվող իրադարձությունների մասին: Ըստ նրա, ընկերությունը պատրաստում է երկու առցանց ներկայացում և մի քանի հանգիստ հայտարարություններ, երբ կայքում պարզապես հայտնվում է նոր սարքերի մասին տեղեկատվություն: Ավելի ուշ նա լրացրեց այս տվյալները iPhone 12-ի և այլ նոր ապրանքների վաճառքի մեկնարկի ամսաթվերով:
Ներկայացնում է
Առաջին շնորհանդեսը տեղի կունենա սեպտեմբերի 8-ին: Այնտեղ կխոսվի iPhone 12 շարքի սմարթֆոնների, Apple Watch Series 6-ի, նոր iPad-ի, AirTags-ի և չեղյալ հայտարարված AirPower անլար լիցքավորչի մասին:
Երկրորդ շնորհանդեսը տեղի կունենա հոկտեմբերի 27-ին։ Apple-ը կներկայացնի MacBook-ը և MacBook Pro 13-ը` հիմնվելով Apple Silicon պրոցեսորների, Apple TV-ի, ինչպես նաև նորացված iPad Pro մոդելների վրա: Եթե AirPower լիցքավորիչը սեպտեմբերյան միջոցառմանը չներկայացվի, ապա այն կներկայացվի հոկտեմբերյան առցանց միջոցառմանը: Երևի այն թողարկվելու է մի քանի տարբերակով։
Անոնսներ՝ կայքերում
Առանց ավելորդ գովազդի և եթերների, Apple-ը կարող է օգոստոսի 19-ին ներկայացնել նորացված iMac, AirPods Studio ականջակալներ, ինչպես նաև խելացի խոսնակներ HomePod 2 և HomePod Mini: Դժվար է հավատալ, որ մի օրում այս բոլոր նոր իրերը պարզապես կհայտնվեն ընկերության կայքում, բայց, այնուամենայնիվ, տվյալները դեռևս այսպիսին են:
Նորույթների թողարկման ամսաթվեր
Գնել նոր հարմարանքները հնարավոր կլինի շնորհանդեսից հետո: Այսպիսով, Apple Watch Series 6-ը և նոր iPad-ը (8-րդ սերունդ) հասանելի կլինեն պատվիրելու համար սեպտեմբերի 11-ին, և դրանք վաճառքում կլինեն սեպտեմբերի 18-ին:
Բազային iPhone 12 և 12 Max մոդելները նախնական պատվերով հասանելի կլինեն հոկտեմբերի 2-ին, իսկ վաճառքի կհանվեն հոկտեմբերի 9-ին: Ավելի ուշ կթողարկվեն ֆլագմենային iPhone 12 Pro և 12 Pro Max մոդելները․ հոկտեմբերի 16-ին կլինեն նախնական պատվերները, իսկ վաճառքը՝ հոկտեմբերի 23-ից:
Մինչ այժմ այս ամենը պարզապես խոսակցություններ են, որոնք կարելի է հերքել, բայց չի կարելի չնկատել, որ այդ տվյալները բավականին համահունչ են նախորդ արտահոսքին․ անցյալ ամիս արդեն տեղեկատվություն կար սեպտեմբերյան ներկայացման մասին։
Սիրարփի Աղաբաբյան
