Ադրբեջանցիները փորձել են միջամտել հայերի՝ Լոս Անջելեսում իրականացրած խաղաղ ցույցին
Հայ-ադրբեջանական սահմանին Ադրբեջանի սանձազերծած գործությունների դեմ բողոքելու նպատակով Լոս Անջելեսի հայկական համայնքի ներկայացուցիչները միասնության ակցիա են իրականացրել Ադրբեջանի գլխավոր հյուպատոսության շենքի առջև: Ադրբեջանցիները ձգտել են միջամտել խաղաղ ցույցին՝ փորձելով ընդհարում հրահրել:
Ադրբեջանցիներին սանձել է ոստիկանությունը, որը ստիպված է եղել որոշ ժամանակով փակել ճանապարհը՝ հավաքվածներին խաղաղեցնելու նպատակով:
Հայ ցուցարարները վեր են բարձրացրել հայկական դրոշները և հանդես եկել «Ո՛չ պատերազմին: Ո՛չ Ալիևին» կարգախոսով:
Ակցիայի մասնակից հայ երիտասարդները երգել են, պարել՝ ցույց տալով մեր միասնականությունն ու համերաշխությունը: Նրանց է միացել նաև սիրված երգիչ Անդրեն, որն այժմ ապրում և ստեղծագործում է ԱՄՆ-ում, և կատարել է «Սարի աղջիկ» հայկական ժողովրդական երգը:
Խաղաղ ցույցին մի քանի ժամ հետևելուց հետո ադրբեջանցիները որոշել են հեռանալ, սակայն նրանցից մեկը հարվածել է հայ աղջկա, ինչի հետևանքով բախում է տեղի ունեցել: Տուժել են և՛ ադրբեջանցիներ, և՛ հայեր:
Ի վերջո ադրբեջանցիները փախել են և չեն տարել իրենց դրոշները:
