ԱՄՆ-ը վիզային պատժամիջոցներ է սահմանում Ռամզան Կադիրովի նկատմամբ
ԱՄՆ-ը վիզային պատժամիջոցներ է սահմանում Չեչնիայի Հանրապետության ղեկավար Ռամզան Կադիրովի և նրա ընտանիքի անդամների նկատմամբ Կադիրովին Վաշինգտոնը համարում է մարդու իրավունքների խախտումների մասնակից։
Ինչպես հաղորդում է «ՏԱՍՍ»-ը, այս մասին ասվում է ԱՄՆ պետքարտուղար Մայքլ Պոմպեոյի հայտարարության մեջ։
«Այսօր Պետդեպարտամենտը պատժամիջոցներ է սահմանում Ռուսաստանի Դաշնության կազմում Չեչնիայի Հանրապետության ղեկավար Ռամզան Կադիրովի դեմ», – ասված է փաստաթղթում:
Դրանում ընդգծվում է, որ սահմանափակումները կիրառվել են ամերիկյան օրենքի համաձայն, որը նախատեսում է ԱՄՆ մուտքի արգելք այն օտարերկրացիների համար, որոնց ամերիկյան իշխանությունները համարում են կոռուպցիայի և մարդու իրավունքների խախտումների մասնակից:
«Պատժամիջոցները սահմանվում են Չեչնիայում մարդու իրավունքների լուրջ խախտումներին Կադիրովի մասնակցության պատճառով»,- ընդգծել է ԱՄՆ-ի արտաքին քաղաքական գերատեսչության ղեկավարը:
Բացի Չեչնիայի ղեկավարից, սահմանափակումները տարածվում են նրա կնոջ` Մեդնի Կադիրովայի, ինչպես նաև դուստրերի Այշատ և Խադիժատ Կադիրովաների վրա։
