ՀՀ ԱԳ նախարարը հեռախոսազրույց է ունեցել վրաց պաշտոնակցի հետ. մանրամասն ներկայացվել է հայ-ադրբեջանական սահմանի լարվածությունը

Հուլիսի 13-ին ԱԳ նախարար Զոհրաբ Մնացականյանը հեռախոսազրույց է ունեցել Վրաստանի իր գործընկերոջ` Դավիդ Զալկալիանիի հետ։ Այս մասին հայտնում են ՀՀ արտաքին գործերի նախարարությունից։

ԱԳ նախարար Մնացականյանը հանգամանալից ներկայացրել է հայ-ադրբեջանական սահմանի մի հատվածում իրավիճակի լարվածությունը։

Զոհրաբ Մնացականյանն ընդգծել է տարածաշրջանում իրադրության ապակայունացմանն ու անվտանգության խաթարմանն ուղղված Ադրբեջանի կողմից գործողությունների անթույլատրելիությունը։