Վիվա-ՄՏՍ-ի ենթահամակարգերից մեկում առաջացել են կապի խնդիրներ․ արագ արձագանքման թիմը վերացնում է խափանումը
Բջջային ցանցի՝ անսպասելիորեն առաջացած գերծանրաբեռնվածության հետևանքով, ենթահամակարգերից մեկում առաջացած խափանման պատճառով առանձին տեղանքներում առկա են ձայնային ու տվյալների փոխանցման ծառայությունների հասանելիության հետ կապված որոշակի դժվարություններ: Այս մասին ասվում է Վիվա-ՄՏՍ-ի ֆեյսբուքյան էջում։
«Վիվա-ՄՏՍ-ի արագ արձագանքման թիմն իրականացնում է անհրաժեշտ միջոցառումներ՝ խափանումը վերացնելու ուղղությամբ: Ներկա դրությամբ գործում է Վիվա-ՄՏՍ-ի պահուստային ենթակառուցվածքը»,- նշվում է Վիվա-ՄՏՍ-ի տարածած հաղորդագրության մեջ:
