Արցախում կորոնավիրուսի նոր դեպք չի հաստատվել
Արցախի Հանրապետությունում կորոնավիրուսային վարակի նոր դեպքեր չեն հաստատվել:
Ինչպես հայտնում է Արցախի տեղեկատվական շտաբի «Ֆեսյբուք»-ի էջը, այս մասին հաղորդում է Առողջապահության նախարարությունը:
«Ուրախությամբ արձանագրում ենք, որ հիվանդությունը հաղթահարել է 8 քաղաքացի: Մեկուսացված է 85, հիվանդությունը փաստացի հաղթահարում է 26 քաղաքացի: Պացիենտներից մեկի առողջական վիճակը ծանր է, ունի քրոնիկ հիվանդություններ և երկկողմանի թոքաբորբ: Երեքի առողջական վիճակն էլ շարունակում է մնալ միջին ծանրության»,- նշված է հաղոդրագրությունում:
Արցախում կորոնավիրուսի ընդհանուր թեստավորումների քանակը 2 320 է:
