ԱԺ քառօրյան անցնում է լարված մթնոլորտում

Խորհրդարանում արդեն մեկնարկել է հերթական քառօրյան, որին գրանցվել է 121 պատգամավոր։ Այսօրվա քառօրյայի օրակարգում ընդգրկված հարցերի շարքում են նաև  «Բարգավաճ Հայաստան» խմբակցության ղեկավար Գագիկ Ծառուկյանի  նկատմամբ քրեական հետապնդում հարուցելուն և պատգամավորին ազատությությունից զրկելուն   համաձայնություն տալու մասին հանրապետության գլխավոր դատախազի երկու միջնորդագրերը, որոնք սկսեցին քննարկվել հենց հերթական նիստի մեկնարկից հետո։

Թերևս, սա էր պատճառը, որ հերթական քառօրյան անցնում էր լարված մթնոլորտում։

Հիշեցնենք, որ հունիսի 14-ին Ազգային անվտանգության ծառայությունը խուզարկություն էր կատարել ԲՀԿ առաջնորդի առանձնատանը, որից հետո նա տարվել էր հարցաքննության։ Հիշեցնենք նաև, որ այս պահին ԱԺ-ի դիմաց են հավաքվել բազմաթիվ քաղաքացիներ՝ ի աջակցություն Գագիկ Ծառուկյանի։