Ջերմուկի Մյասնիկյան փողոցի շենքերից մեկում հրդեհ է բռնկվել․ դեպքի վայր է մեկնել ԱԻՆ ՓԾ 2 մարտական հաշվարկ
Հունիսի 8-ին, ժամը 03:53-ին Ճգնաժամային կառավարման ազգային կենտրոն ահազանգ է ստացվել, որ Ջերմուկ քաղաքի Մյասնիկյան փողոցի թիվ 16 շենքի բնակարաններից մեկից ծուխ է նկատվում:
Դեպքի վայր է մեկնել ԱԻՆ ՓԾ Վայոց ձորի մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 04:14-ին, մարվել՝ 04:22-ին: Այրվել են անկողնային պարագաներ, մեկ գորգ, մեկ մահճակալ և վնասվել՝ մեկ պատուհան:
