ՊՆ մամուլի խոսնակը հերքում է Գավառի միջադեպում ՌՈ որևէ աշխատակցի ներգրավված լինելու մասին լուրերը
Գավառում արձակված կրակոցների միջադեպում Պաշտպանության նախարարության համակարգի, ներառյալ՝ Ռազմական ոստիկանության որևէ ծառայող կամ աշխատակից չի եղել: Այս մասին «Ֆեյսբուք»-ի իր էջում գրել է ՊՆ մամուլի խոսնակ Շուշան Ստեփանյանը:
«Գավառ քաղաքում տեղի ունեցած միջադեպի առնչությամբ տարածված տեղեկությունը, թե, իբր, մահացածներից մեկը ռազմական ոստիկանության քննիչ է, չի համապատասխանում իրականությանը։ Վերոնշյալ միջադեպում ՊՆ համակարգի, ներառյալ՝ ՌՈ, որևէ զինծառայող, ծառայող կամ աշխատակից ներգրավված չի եղել»,- գրել է Ստեփանյանը:
Լուսանկարը՝ Գագիկ Շամշյանի
