Մահացել է «Մոսկվա» կինոթատրոնի տնօրենը
Կյանքից հեռացել է «Մոսկվա» կինոթատրոնի տնօրեն, կինոպրոդյուսեր, Մշակույթի վաստակավոր գործիչ` Մարտուն Ադոյանը։
Մարտուն Ադոյանը ծնվել է 1955 թվականի ապրիլի 5-ին Աշտարակի շրջանի Ուջան գյուղում: Իր կյանքի գործը համարելով կինոն Ադոյանն ամեն ջանք ներդրել է Հայաստանում կինոմիջավայրի ու կինոմշակույթի պահպանման ու զարգացման համար: Նրա բացառիկ ջանքերով են վերապրել մայրաքաղաքի «Մոսկվա» կինոթատրոնը, Գյումրիի «Հոկտեմբեր» կինոթատրոնը: Նրա ջանքերով էր նաև, որ կայացան ու զարգացան հայկական կինոփառատոները՝ այդ թվում «Ոսկե Ծիրան» միջազգային կինոփառատոնը: Նրա ջանքերով էր նաև, որ Երևանի խորհրդանիշ «Մոսկվա» կինոթատրոնը՝ իր բոլոր դժվարություններով ու խնդիրներով հանդերձ, մնաց Երևանի խորհրդանիշը: Մարտու Ադոյանը Պետական մրցանակի դափնեկիր էր, Երևանի քաղաքապետի ոսկե մեդալակիր և Մշակույթի վաստակավոր գործիչ, Հայաստանի կինոմատոգրաֆիստների միության անդամ: Մարտուն Ադոյանի հոգեհանգիստը ապրիլի 29-ին ժամը 16-ից է քաղաք Երևան, Վերին Անտառային 186/13 հասցեում, վերջին հրաժեշտը՝ ապրիլի 30-ին ժամը 11:00-ից Ուջանում, հուղարկավորությունը՝ ժամը 13-ին:
168.am-ը ցավակցում է Մարտուն Ադոյանի ընտանիքին, հարազատներին և ընկերներին:
