Բերման ենթարկված երիտասարդի մոտ մարիխուանա է հայտնաբերվել
Ապրիլի 8-ին ոստիկանության Արմավիրի բաժնի քրեական հետախույզները, թմրամիջոց պահելու և օգտագործելու կասկածանքով, ոստիկանություն բերման ենթարկեցին Արգավանդ գյուղի 32-ամյա մի բնակչի։
Նրա անձնական խուզարկությամբ հայտնաբերվեց սուր հոտով, մանրացված, չորացված մարիխուանայի նմանվող զանգված։
Ըստ բերման ենթարկվածի՝ հայտնաբերվածը աճեցրել էր իր հողամասում՝ անձնական օգտագործման համար։
Հայտնաբերվածն ուղարկվել է փորձաքննության։
Փաստի առթիվ նախապատրաստվում են նյութեր։
