Պետք է զերծ մնալ քայլերից, որոնք կարող են բարդացնել Իրանի երկու հարևանների միջև առկա խնդրի կարգավորումը․ Իրանի ԱԳՆ-ն՝ Արցախյան ընտրությունների մասին
«Իրանի Իսլամական Հանրապետությունը դեմ է ցանկացած միջոցի, որը կարող է հրահրել լարվածություն տարածաշրջանում»,- այս մասին երկուշաբթի օրն ասել էր ԻԻՀ ԱԳՆ մամլո խոսնակ Սեյեդ Աբաս Մուսավին՝ անդրադառնալով Ղարաբաղում անցկացվող ընտրություններին։
Նա նշել էր, որ պետք է զերծ մնալ այնպիսի քայլերից, որոնք կարող են բարդացնել Իրանի երկու հարևանների Հայաստանի Հանրապետության և Ադրբեջանի Հանրապետության միջև առկա խնդրի կարգավորումը։ Սեյեդ Աբաս Մուսավին նաև շեշտել է, որ ԼՂ հակամարտությունը պետք է խաղաղ կարգավորվի միջազգային իրավունքի և սկզբունքների շրջանակում։
