Փրկարարներն արգելափակումից դուրս են բերել ավտոմեքենաները
Փետրվարի 9-10-ն ԱԻՆ ՓԾ ճգնաժամային կառավարման ազգային կենտրոնում 11 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Մասնավորապես՝
Երևանի Քանաքեռ-Զեյթուն վարչական շրջանում,
Արագածոտնի մարզի Քուչակ-Ծաղկաշեն ավտոճանապարհին,
Լոռու մարզի Ստեփանավան, Վանաձոր քաղաքներում, Ստեփանավան-Վանաձոր ավտոճանապարհին,
Սյունիքի մարզի Կապան քաղաքում, Քաջարան-Մեղրի ավտոճանապարհին,
Վայոց ձորի մարզի Ջերմուկ-Գնդեվազ ավտոճանապարհին,
Սոթք-Քարվաճառ, Գորիս-Երևան, Ջրվեժ-Մասիս ավտոճանապարհներին:
Դեպքի վայր ժամանած փրկարարներն արգելափակումից դուրս են բերել բոլոր ավտոմեքենաները:
