Ինչպիսի՞ն պետք է լինի Նոր Հայաստանի ընդդիմությունը. պարզաբանում է Նիկոլ Փաշինյանը
«Կան քաղաքական ուժեր, որոնց գործունեության կերպը եղել է իշխանության հետ առևտուր անելը, և հիմա նոր պայմաններում, երբ իշխանությունը մերժում է որևէ առևտուր, նրանք չեն կարողանում իրենց գտնել այս նոր իրավիճակում: Կիսում եմ Լենա Նազարյանի կարծիքը»,- այսօր լրագրողների հետ հանդիպմանն ասաց ՀՀ վարչապետ Նիկոլ Փաշինյանը:
Հիշեցնենք, որ ԱԺ նախագահի տեղակալ Լենա Նազարյանն ասել է, որ «Լուսավոր Հայաստան» խմբակցությունն ուղղակի խցանվել է անցյալում, և խորհուրդ է տվել ելք գտնել անցյալի ձևերից, հրաժարվել անցյալի չափանիշերից:
Նիկոլ Փաշինյանը նաև պարզաբանեց, թե ինչպիսին պետք է լինի Նոր Հայաստանի ընդդիմությունը. «Նոր ընդդիմությունը պետք է իշխանության հետ քաղաքական առևտրի տրամաբանությունից դուրս գա, որովհետև մեր իշխանությունը չի անում քաղաքական առևտուր»:
