Չինաստանի Պետխորհրդի փոխվարչապետը կայցելի ԱՄՆ՝ ստորագրելու առևտրական գործարքը
Չինաստանի Պետխորհրդի փոխվարչապետ Լյու Հեն հունվարի 13-15-ը այցով կգտնվի ԱՄՆ-ում՝ ստորագրելու առեւտրական գործարքի առաջին մասը: Այդ մասին հունվարի 9-ին հայտարարել է ՉԺՀ-ի առեւտրի նախարարության պաշտոնական ներկայացուցիչ Գաո Ֆենը։
«Ամերիկյան կողմի հրավերով ՉԺՀ-ի Պետխորհրդի փոխվարչապետ Լյու Հեն, գլխավորելով առեւտրատնտեսական հարցերով զբաղվող պատվիրակությունը, հունվարի 13-ին կուղեւորվի Վաշինգտոն՝ ԱՄՆ-ի հետ ստորագրելու առեւտրական գործարքի առաջին մասը»,-հայտնել է Գաո Ֆենը բրիֆինգում:
Չինաստանը եւ ԱՄՆը դեկտեմբերի 13-ին հայտարարել են, որ համաձայնեցրել են առեւտրական պայմանագրի առաջին մասի տեքստը: Դրա շրջանակում կողմերը պայմանավորվել են նոր մաքսատուրքեր չսահմանել միմյանց նկատմամբ, որոնք պետք է ուժի մեջ մտնեին դեկտեմբերի 15-ին, հաղորդել է ՌԻԱ Նովոստին
