Ճապոնիան էսկադրային ականակիր է ուղարկում Օմանի ծոց
Ճապոնիայի կառավարությունն Օմանի ծոցի գոտի կուղարկի Ինքնապաշտպանության ուժերի էսկադրային ականակիր: Այդ մասին հայտնել է ՏԱՍՍ-ը՝ վկայակոչելով տեղական հեռուստատեսությունը: Համապատասխան որոշումն ընդունվել է դեկտեմբերի 27-ին նախարարների կաբինետի նիստում:
Բացի էսկադրային ականակրից, ծոց կուղարկեն պարեկային ինքնաթիռ՝ տարածաշրջանում նավարկության անվտանգության ապահովման համար: Պարեկման գոտին սահմանափակված է Արաբական ծովի հյուսիսային մասով եւ Ադենի ծոցով: Նշվում է, որ նավն ու ինքնաթիռը չեն մտնի Հորմուզի նեղուց կամ Պարսից ծոց:
