Բյուրեղավանի ոստիկանները թարմ հետքերով հայտնաբերեցին ոսկե շղթան գողացողին ու գողոնը

Դեկտեմբերի լույս 24-ի գիշերը ոստիկանության Կոտայքի բաժնի Բյուրեղավանի բաժանմունքում  հաղորդում ստացվեց, որ Բյուրեղավանի բնակարաններից մեկից գողություն է կատարվել։ Գաղտնի հափշտակել էին ոսկե շղթա։ Բաժանմունքի ծառայողների արագ արձագանքման ու օպերատիվ միջոցառումների արդյունքում փաստական տվյալներ ձեռք բերվեցին, որ գողությունը կատարել է Բյուրեղավանի բնակիչ, 24-ամյա մի երիտասարդ։ Կասկածվողը հենց ահազանգի օրը հայտնաբերվեց, բերման ենթարկվեց ոստիկանության Բյուրեղավանի բաժանմունք ու տվեց խոստովանական բացատրություն։ Նրա անձնական խուզարկությամբ հայտնաբերվեց գողոնը։ Դեպքի առթիվ նախապատրաստվում են նյութեր։ Հանգամանքները պարզվում են։