6,2 մագնիտուդով երկրաշարժ է տեղի ունեցել Կանադայի արևմտյան ափի մերձակայքում
6,2 մագնիտուդով երկրաշարժ է տեղի ունեցել Կանադայի խաղաղօվկիանոսյան ափի մերձակայքում: Այդ մասին հայտնել է բնական այդ երեւույթի դիտարկման կանադական պետական ծառայությունը (Earthquakes Canada)։
Երկրաշարժի օջախը 5 կմ խորության վրա էր, էպիկենտրոնը գտնվում էր Պորտ Հարդի քաղաքից 188 կմ արեւմուտք ընկած շրջանում: «Ցունամիի սպառնալիք չկա»,- ընդգծել են գերատեսչությունում: Հնարավոր ավերածությունների եւ տուժածների վերաբերյալ տեղեկատվություն չի ստացվել:
Ավելի վաղ ԱՄՆ-ի Երկրաբանական ծառայությունը հայտնել էր Կանադայի արեւմտյան ափերի մոտ 6,3 մագնիտուդով երկրաշարժի մասին, որը տեղի է ունեցել Քեմփբել-Ռիվեր քաղաքից 343 կմ արեւմուտք ընկած շրջանում: Երկրաշարժի օջախը 10 կմ խորության վրա էր, հաղորդել է ՏԱՍՍ-ը:
