Սահմանված արագությունը գերազանցելու պատճառով Ստեփանակերտում վթար է տեղի ունեցել
Դեկտեմբերի 24-ին ժամը 00:40-ի սահմաններում Ստեփանակերտ քաղաքի բնակիչ, 1993թ. ծնված Ն. Ա.-ն, վարելով «ՎԱԶ-21124» մակնիշի ավտոմեքենան Չարենց փողոցի թիվ 31 տան դիմաց, նախնական տվյալներով սահմանված արագությունը գերազանցելու պատճառով դուրս է եկել ճանապարհի երթևեկելի մասից և բախվել նշված փողոցի թիվ 22 տան դարպասների հենասյանը, որից հետո բախվել թիվ 31 տան դիմաց կայանված Ստեփանակերտ քաղաքի բնակիչ, 1980թ. ծնված Գ. Մ.-ին պատկանող «ՎԱԶ-21214» մակնիշի ավտոմեքենային, ինչի հետևանքով «ՎԱԶ-21124» մակնիշի ավտոմեքենայի ուղևորուհի՝ Գ. Հ.-ն ստացել է մարմնական վնասվածքներ։
Ստուգմամբ զբաղվում է ԱՀ ոստիկանության Ստեփանակերտի քաղաքային վարչությունը:
Արցախի Հանրապետության ոստիկանություն
