Transfermarkt-ն առաջին անգամ իջեցրել է Նեյմարի գինը

Transfermarkt-ը, որը մասնագիտացած է խաղացողների տրանսֆերային արժեքների գնահատման մեջ, իջեցրել է ՊՍԺ-ի հարձակվող Նեյմարի շուկայական գինը:

27-ամյա բրազիլացու տրանսֆերային արժեքը նվազել է 20 միլիոն եվրոյով և կազմում է 160 միլիոն, նույնքան է գնահատվում նաև «Մանչեսթեր Սիթիի» կիսապաշտպան Ռահիմ Սթերլինգը: Ցուցակի առաջատարը ՊՍԺ-ի հարձակվող Կիլիան Մբապեն է (200 միլիոն):

Ինչպես հաղորդում է As-ը, Transfermarkt-ը Նեյմարի կարիերայի ընթացքում առաջին անգամ է իջեցրել նրա տրանսֆերային գինը: Հատկանշական է, որ բրազիլացին վնասվածքի պատճառով բաց թողեց տարվա մեկնարկը: Նա նաև բաց է թողել մրցաշրջանի սկիզբը՝ ապագայի վերաբերյալ անորոշության պատճառով. ֆուտբոլիստը ցանկանում էր վերադառնալ «Բարսելոնա»:

Այս մրցաշրջանում Նեյմարը ՊՍԺ-ի կազմում անցկացրել է 11 հանդիպում, դարձել է 8 գոլի և 5 արդյունավետ փոխանցման հեղինակ:

Պատրաստեց Անի Գաբուզյանը